أووووووووف .... يابووي ... يا بووووي

[أبو عاطف الشجراوي]

السلام عليكم
لهذه القصيدة قصة
للإطلاع عليها






الرجاء الضغط هنا

والله لو كان صوتي حلو كنت غنّيت هذه المواويل ونزّلتها هون
بس خايف إذا عملت هيك
ما يضلّش حدا بالشبكة



[poem font="Simplified Arabic,7,deeppink,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]


أوووووف ..... يابوووووي
***

لعيونك أبو همّامْ ... لأبعـث أمـاراتْ
توصل بخير وسلامْ ... أرض الإماراتْ
قلبي بحبّك هامْ ... يا ابن الأمـاراتْ
عسـاك تحـسّ بيّـي وبالعـذابْ
***
عساك تحسّ بالْيهـواكْ ...مـرّة
دخيلك مُرّ على الشّباكْ ... مـرّة
ترى العيشة بلا رؤياكْ ... مُـرّة
بـرد ومطـر وريـاح وضبـابْ
***
برد وضباب ومطرْ ... واوجاع غُربِه
سهران طال السّهرْ ... ليلي يِغُرْ بي
دخلك نسيم الفجر ... لا تروح غَربي
شَرّق عليهمْ هوى وسلّم عالِحبابْ
***
شَرّق عليهم هوى ... وإنزل عا قِبلي
جيب لي شي حبّة دوا ... من الـْ وصلوا قَبلي
واطبعْ لأجل النّوى ... عالوجناتْ قُبله
بوّس حيطان الدار و لا تنسى لِبوابْ
***
بوّس أبو همّام ... عمروٍ وعيسى
وابعث صلاة وسلامْ ... لاحمد وعيسى
وميّل عا أرض الشامْ ... لعلّك وعسى
تحظى بشوفة هلي وجيراني مع لِصحابْ
***
تحظى بشوفة هَلي ... وتقعد على لِعتابْ
قلبي عليهم غِلي ... بس مش وقت لِعتابْ
وحياة ربّي العلي ... الْخلاّني أحكي عَتابْ
مشتاقْ لامّي وآبوي وإخوتي ولِترابْ
***
مشتاقْ لامّي كثيرْ ... لآبوي وأهل الدّارْ
لصغيرهم وكبيرْ ... لحيطانْ هاك الدّارْ
والله مهما يصيرْ ... مهما الزّمان اندارْ
لأرجع لهم شي يوم والعن أبو الغيابْ
***
لارجع لهم شي يومْ ... مهما يكونوا بعادْ
واجلس معاهم دومْ ... لِقرابْ مع لِبعادْ
ومن قلب مكلومْ ... أشتم أبو لِبعادْ
يا محلى لمّ الشّمل والقعدة مع لِحبابْ
***
يا محلى لمّ الشّمل ... مع شاي وأركيله
أذكر سنين المحل ... ويملى الدّمع كيله
قاعد ما بين الأهل ... والكلّ يحكي لي
عن حبّهم ليّي والقلب ياللّي ذابْ[/poem]

[عيسى عدوي]

يسلم لسانك يا بوعاطف...وين كاين مخبي هالمواهب .... باسم الله والله أكبر

[عيسى عدوي]

[poem font="Simplified Arabic,6,blue,bold,normal" bkcolor="transparent" bkimage="" border="double,4,gray" type=3 line=0 align=center use=ex num="0,black"]
حزني ف قلبي انكتم كل ما مسحته انعاد
شوق وحنين وندم مع مرمره وبعاد
ياريت هللي انفطر قلبه من غربته ينعاد
لهله وبيتو ومطرحوا وألقاه عند الباب[/poem]

[أبو عاطف الشجراوي]

الكاتب : الزكراوي

يسلم لسانك يا بوعاطف...وين كاين مخبي هالمواهب .... باسم الله والله أكبر

الله وكيلك مش عارف
وبصراحة أكثر
أنا تفاجئت بحالي
مش تاريني شاعر عتابا وأنا مش عارف ؟؟!!!!

[عائشة أبو صلاح]

الكاتب : أبو عاطف

السلام عليكم
لهذه القصيدة قصة
للإطلاع عليها الرجاء الضغط هنا

والله لو كان صوتي حلو كنت غنّيت هذه المواويل ونزّلتها هون
بس خايف إذا عملت هيك
ما يضلّش حدا بالشبكة



[poem font="Simplified Arabic,7,deeppink,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]


أوووووف ..... يابوووووي
***

مشتاقْ لامّي كثيرْ ... لآبوي وأهل الدّارْ
لصغيرهم وكبيرْ ... لحيطانْ هاك الدّارْ
والله مهما يصيرْ ... مهما الزّمان اندارْ
لأرجع لهم شي يوم والعن أبو الغيابْ
***
لارجع لهم شي يومْ ... مهما يكونوا بعادْ
واجلس معاهم دومْ ... لِقرابْ مع لِبعادْ
ومن قلب مكلومْ ... أشتم أبو لِبعادْ
يا محلى لمّ الشّمل والقعدة مع لِحبابْ
***
يا محلى لمّ الشّمل ... مع شاي وأركيله
أذكر سنين المحل ... ويملى الدّمع كيله
قاعد ما بين الأهل ... والكلّ يحكي لي
عن حبّهم ليّي والقلب ياللّي ذابْ[/poem]

يعطيك العافية أخي الفاضل والله كلام جمي ل أبكيتيني
ربي يجمعنا بالأهل وجميع الأحباب
والله اشتقنا والبعد طال
متى نرجع ويتلم الشمل من بعد غياب

[عمرو ابو فؤاد]

حبيب قلبي ابو عاطف هاي اللي اجا معاي سامحني ها مش تزعل وتخبطني قصيدة من شان الله ما تزعل

يا محله لم الشمل ... مع شاي بالليله
وننسا اشي أسمه .... في الدنيا أركيله
حاكم أخوك يا قلب..... ما يطيق روايحها
ويقعد معاك منها ... يملا الدمع كيله
..............
إحنا يازمن ما نهون...ولا تهون أراظينا
كلا ولا ننسى.... اللي أجا لينا
نحنا عرب والكون ..... يحكي بحكاوينا
إحنا اللي عنا رجال ... في المهد جاينا

[عائشة أبو صلاح]

align=center]لبعث تحية لأهلي وخلاني

من بعد الشوق يلي أضناني

خذ يا حمام مني سلامي

وخبرهم ان ليهم أحباب

*****

يا أمي ويا بيّ وي أختي وخيِّ

لو تعرفوا الغربة ويش سوت فيّ

وطني غالي ومهما بعدت مزروع فيّ

ومصيرنا فيوم نلقى الأحباب[/align]

[أبو عبيدة (القدس)]

نيالك يا ابوهمام
بوركتم ايها الشعراء الافذاذ
جعلكم الله ذخرا للامة

[مريم العموري]

[poem font="Simplified Arabic,7,deeppink,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
برد وضباب ومطرْ ... واوجاع غُربِه
سهران طال السّهرْ ... ليلي يِغُرْ بي
دخلك نسيم الفجر ... لا تروح غَربي
شَرّق عليهمْ هوى وسلّم عالِحبابْ
***
[/poem][/QUOTE]

موهبتك أخي أبو عاطف مثل علب الهدايا..
كلما فُتحت لنا هدية..
أخْذنا بفاخر عطرها..
وعذب نميرها
ولذيذ حلواها
فيا للمفاجآت الرائعة..
مزيداً منها أيها الشاعر المبدع

[عبد الرحمن أبوشندي]

شو هالحكي الحلو يا ابو عاطف

رفقنا بنا

يعني كلمات حريقة زي ما بحكو

يا عمي والله فنان يا ابو عاطف

بدها شوط دبكة هاي الكلمات

[يحيى71]

أخي أبو عاطف مبدع كالعادة.........

لكن يا أخي عندك إنفصام شخصية...حيث أن المحور الثقافي الآن يحتوي موضوعان

لك ،واحد في هجاء أبوهمام و الآخر في مدحه؟ كيف بتفسرها هاي؟


بالنسبة للحبيب أبو همام و قوله في شخصي

أبو همام
أولم تعدنـي بالمحبـة قائـلاً
"إني سأبقى رهن قلبك ها هنا"؟

أقول:


[poem font="Simplified Arabic,6,black,bold,normal" bkcolor="transparent" bkimage="" border="none,4,white" type=3 line=0 align=center use=ex num="0,black"]
بوهمام طلتك أحلى من طلّة بدور
على عهد المحبة مهما الزمن بِدور
من شوقي الشوارع كالمجنون بدور
سقى الله نلتقي و نغني موال وعتاب[/poem]

[أبوهمام]

الكاتب : يحيى71

أخي أبو عاطف مبدع كالعادة.........

لكن يا أخي عندك إنفصام شخصية...حيث أن المحور الثقافي الآن يحتوي موضوعان

لك ،واحد في هجاء أبوهمام و الآخر في مدحه؟ كيف بتفسرها هاي؟

قبل أن أسجل إعجابي أقول ..
إنتو فاهمين الموضوع غلط .. القصيدة هاي مش عني بس يمكن إسمي اللي في أولها فتح قريحة أبو عاطف عالغربي وبالتالي فأنا صاحب الفضل في ما كتب

أسجل إعجابي الشديد وبالذات بأول مقطع

[الأشهب]

بدها شوط دبكة هاي الكلمات

ما بتزبط دبكة ـ لا جوبي ولا شمالي ـ .... بدّك هزّ كتف وسحجة



تحياتي أبو عاطف .... وعتبان عليك , وراجع قصيدتك انت بتعرف ليش

[أبو عاطف الشجراوي]

الكاتب : يحيى71

أخي أبو عاطف مبدع كالعادة.........

لكن يا أخي عندك إنفصام شخصية...حيث أن المحور الثقافي الآن يحتوي موضوعان

لك ،واحد في هجاء أبوهمام و الآخر في مدحه؟ كيف بتفسرها هاي؟

[poem font="Simplified Arabic,7,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]

الحمِدْ لله ما عندي علّة أو عندي اْنفصامْ
ولا مرّة رُمت للصحبِة قطيعة واْنفصامْ
لكن لساني حسّ بالقسوة على حبابو فَصامْ
سبع ساعات عن هجوِ الشبابْ[/poem]

[أبوهمام]

الكاتب : أبو عاطف

[poem font="Simplified Arabic,7,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]

الحمِدْ لله ما عندي علّة أو عندي اْنفصامْ
ولا مرّة رُمت للصحبِة قطيعة واْنفصامْ
لكن لساني حسّ بالقسوة على حبابو فَصامْ
سبع ساعات عن هجوِ الشبابْ[/poem]

سبع ساعات بس .. هذا اللي طلع من ذمتك

ربنا عالظالم والمفتري

[ثابت]

رائع ابو عاطف
ما شاء الله
بارك الله فيك
واستمر ..
محبك

[أبو عاطف الشجراوي]

تحية حب ومودة للجميع
الذين مرّوا والذين لم

هذه عالسريع
وإن شاء الله سأرد غدا ليلا على كلٍ بإسمه

[الحمامة الزاجلة]

العم الكريم أبو عاطف ‏
كل يوم تظهر لنا بإبداع جديد..حتى أصبحنا ندخل الشبكة و نحن متيقنين من أننا
سنرى لوناً جديداً من ألوان أبو عاطف..‏

تحياتي لك و لكل من شاركك

[أبو عاطف الشجراوي]

[poem font="Simplified Arabic,7,purple,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
تحيّة إلى من دبّس الصفحة بدبّوسْ
وخلاّني بهالمحور أنا مدبِّس ومدبوسْ
دخيلك يا فؤادي جناحك مِدّْ بوسْ
شاشات الأحبة وماوسات الشّبابْ[/poem]

[khaleel]

أبو عاطف :
من أجمل ما قرأت أخي الكريم وأعجبني سهولة الكلام والنظم والمعنى وشكلها عن جد بدها سحجه :::
سأتابعكم ولن أترككم هنا فقد شغلني الفني عن الثقافي وأنا جاي هاليومين أستمد من كلماتكم العذبة بعض النشاط لأعود للفني بتصاميم ولوحات وأسلوب جديد فأتحفونا :::
تحياتي
خليل

[عيسى عدوي]

الكاتب : أبو عاطف

[poem font="Simplified Arabic,7,purple,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
تحيّة إلى من دبّس الصفحة بدبّوسْ
وخلاّني بهالمحور أنا مدبِّس ومدبوسْ
دخيلك يا فؤادي جناحك مِدّْ بوسْ
شاشات الأحبة وماوسات الشّبابْ[/poem]

[poem font="Simplified Arabic,6,blue,bold,normal" bkcolor="transparent" bkimage="" border="double,4,gray" type=3 line=0 align=center use=ex num="0,black"]
تحية ولا مست لقلوب والروس
وعبرت بلاد اصحابها الألمان والروس
ويا بوعاطف حذار يلامسك اليوم فيروس
كثر ما بوست ماوسات الشباب [/poem]

[أبو عاطف الشجراوي]

الكاتب : الزكراوي

[poem font="Simplified Arabic,6,blue,bold,normal" bkcolor="transparent" bkimage="" border="double,4,gray" type=3 line=0 align=center use=ex num="0,black"]
حزني ف قلبي انكتم كل ما مسحته انعاد
شوق وحنين وندم مع مرمره وبعاد
ياريت هللي انفطر قلبه من غربته ينعاد
لهله وبيتو ومطرحوا وألقاه عند الباب
***


تحيـة ولا مسـت لقلـوب والــروس
وعبرت بلاد اصحابها الألمان والـروس
ويا بوعاطف حذار يلامسك اليوم فيروس
كثـر مـا بوسـت ماوسـات الشبـاب

[/poem]

[poem font="Simplified Arabic,7,purple,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
يا زكراوي الأذُن عالأوزان رَبّي
يرضى على اْحبابك إله الكون رَبّي
لو اْنك تيجيني ضيف لاطعميك رُبّي
رُبّ التمّر تختار أو رُبّ العنَبْ ؟؟[/poem]

[بيان صادق]

مــــــــــــــــــا شاء الله ....
وين كانت هالمواهب خيا ابوعاطف ....
الله يبـــــارك فيك خيا ...
ولا تقطع الموضوع ...

اشتقنا للأرض فشممنا هنا رائحة ترابها ..!


الفدائيــــــــــــــة تحييك
بتحية جميلة كجمال ما تكتب ...

[عبد الرحمن أبوشندي]

والله كل ما ادخل برد بقراها يا ابو عاطف

والله حلوة مرتبة حريقة

بدنا تعمللنا وحدة لشوط دبكة مرتب

واقبل مني هالكلمات

[poem font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ولقد ذكرتك للجواهر يـا اخـي=فاذا بهـا تبكـي بدمـعِ حـارقٍ
وتكلّم الحجر الكريم ولـم يكـن=لولا ضياؤك يا ابو عاطف بناطـقٍ
قال الزمرّد كنت احسـب اننـي=مالي شبيهٌ واحـدٌ فـي رونقـي
وكذلك الياقوت جـاء مسائـلا"=مستفسرا"عن حسنـك المتفـوّقٍ
واللؤلؤ الزاهي انزوى متلعثمـا"=مااسطاع وصفا" للجمال البـارقٍ
والماس خطّ تنازلا" مـن فـوره=عن عرشـه الفتّـان والمتألّـقٍ
لا حسن يعلو فوق حسنك فامتطي=عرش التألق يا صديقي وارتقـي [/poem]

[ياسر]

[poem font="Simplified Arabic,6,green,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
كتبت الرد وظنيته الصبح مكتوب
وجيت وأنا ناطر إلي مكتوب
عجيبة، مقدّر علينا السرّ ومكتوب
كتمان الهوى عن أغلى الاِحباب
* * *
أبو عاطف حبيب القلب والعين
واحنا بهواك مثل النار والعين
متى نشرب من نبعكم والعين
ونلتقي بعد البعد والغياب
* * *
يا بو عاطف وبو همام يا سرّ
مكتومٌ، والهوى يخطف ويأسر
أحلى تحية لكم أبيات ياسر
تمحي الغليل المرّ والعتاب[/poem]

[أبو عاطف الشجراوي]

الكاتب : شروق

يعطيك العافية أخي الفاضل والله كلام جمي ل أبكيتيني
ربي يجمعنا بالأهل وجميع الأحباب
والله اشتقنا والبعد طال
متى نرجع ويتلم الشمل من بعد غياب

***
لبعث تحية لأهلي وخلاني

من بعد الشوق يلي أضناني

خذ يا حمام مني سلامي

وخبرهم ان ليهم أحباب

*****

يا أمي ويا بيّ وي أختي وخيِّ

لو تعرفوا الغربة ويش سوت فيّ

وطني غالي ومهما بعدت مزروع فيّ

ومصيرنا فيوم نلقى الأحباب

[poem font="Simplified Arabic,7,purple,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]

أحلى تحيّة اليوم للحجّة شُروقْْ
توصل إلى لِديار في وقت الشّروقْ
يا ريت النسّايم دوم تتوجّه شَروقْ
توصل إلى فلسطين قبل الغيابْ





[/poem]

[أبو عاطف الشجراوي]

الكاتب : عمرو ابو فؤاد

حبيب قلبي ابو عاطف هاي اللي اجا معاي سامحني ها مش تزعل وتخبطني قصيدة من شان الله ما تزعل

يا محله لم الشمل ... مع شاي بالليله
وننسا اشي أسمه .... في الدنيا أركيله
حاكم أخوك يا قلب..... ما يطيق روايحها
ويقعد معاك منها ... يملا الدمع كيله
..............
إحنا يازمن ما نهون...ولا تهون أراظينا
كلا ولا ننسى.... اللي أجا لينا
نحنا عرب والكون ..... يحكي بحكاوينا
إحنا اللي عنا رجال ... في المهد جاينا

[poem font="Simplified Arabic,7,purple,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
تكرم عيونك حبيبي بو فؤاد عمرو
وأحلى نَفَس تنباك لعيونك حَ عمّرو
ولكن إذا كان حَ يجيب الدمع عُمرو
مع اْنّو خفيف كثير ويهدّي لَعصابْ

[/poem]

[أبو عاطف الشجراوي]

الكاتب : ابن رام الله

نيالك يا ابوهمام
بوركتم ايها الشعراء الافذاذ
جعلكم الله ذخرا للامة

[poem font="Simplified Arabic,7,purple,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
ياللي تروح القدس وتروح رام الله
سلّم عاكلّ الأحبة وعابنْ رام الله
ما خاب يا إخوانْ من بالخير رام الله
وطلب مرضاتو ومرضاة لِحبابْ[/poem]

[أبو عاطف الشجراوي]

الكاتب : مريم

موهبتك أخي أبو عاطف مثل علب الهدايا..
كلما فُتحت لنا هدية..
أخْذنا بفاخر عطرها..
وعذب نميرها
ولذيذ حلواها
فيا للمفاجآت الرائعة..
مزيداً منها أيها الشاعر المبدع

[poem font="Simplified Arabic,7,purple,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]

محلى العتابا تيجينا مدوزنه من عند مريمْ
أحلى من رُطب يسقط عَراس الست مريمْ
يا رُبّان السفائن تُمخر البحرين مُرّ يمْ
مواني حيفا ويافا ولا تنسى غزّة والنقبْ



[/poem]

[عيسى عدوي]

الكاتب : أبو عاطف

[poem font="Simplified Arabic,7,purple,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
يا زكراوي الأذُن عالأوزان رَبّي
يرضى على اْحبابك إله الكون رَبّي
لو اْنك تيجيني ضيف لاطعميك رُبّي
رُبّ التمّر تختار أو رُبّ العنَبْ ؟؟[/poem]

[poem font="Simplified Arabic,7,blue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
تركنا لخاطرك وزن العتابا
لساني عن ذكر هالصنف تابا
وبعثنالك بهالمعنى كتابا
ووزعنا المربى عالشباب[/poem]