سجل عضوية جديدة

أهلاً بكـ في شبكة فلسطين للحوار... شاركنا وبادر بالتسجيل ...

صفحة 1 من 15 123456789101112131415 الأخيرةالأخيرة
النتائج 1 إلى 30 من 427
  1. #1
    عضو نشيط الصورة الرمزية ياسر
    تاريخ التسجيل
    06 2003
    المشاركات
    9,279

    حزازير ستّي.. والشاطر يحزر!!!!

    حزازير ستّي.. والشاطر يحزر


    [poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
    يرحم أيامك ستي = والدنيا عمّا تشتّي
    وانتِ تحكي حْكاياتك = وحْنا عم نوكلْ بَحْتِة
    ما احْلاها شتْوِةْ كانون = وإيدينا فوق الكانون
    والدنيا عمّا تشتّي = والرعد برّا مجنون
    حْبال الشتا مْدلاّية = تِتْجمّع بالقنايِة
    وحبّات المطرْ تنزل = على الرايح والجايِة[/poem]

    حزازير أيام زمان كانت تعتمد على أسلوب السجع، وكانت تنقضي سهرات الشتاء حول الكانون بالحزازير، وسهرات الصيف على سطح البيت تحت العريشة للأطفال والنساء، أو في ساحة القرية للرجال..

    أكثر ما كان يضحكنا الحزازير التي كانت توجّه للأغبياء.. مثل:

    سود عينيها، عوج قرنيها، العنزة الله لا يهديك عليها.. شو هي؟؟ (ما حدا يقول كْعيت)..
    إشي مدوّر عَ البيكار، عدس يا تيس افهم يا حمار.. شو هو؟؟



    نبدأ بالحزازير

    1- طاسِة ترن طاسِة، بالبحر غطّاسِة، من جوّة لولو، ومن برّة نحاسِة، شو هي؟؟

    2- قده قد الكف، بيقتل مية وألف.. شو هو؟؟

    3- عشرة وعشرتين، وقدهم ع مرتين، وخمسة وثلاثة وتنين، أدّيش بصيرو؟

    4- تفاحة شافوها تْنين، وقطفوها خمسة، وأكلوها 32. كيف ؟؟


    ملاحظة: هذا الموضوع عبارة من مختارات من بعض الكتب التراثية، وعلى رأسها كتاب (قرية الدامون) للأستاذ حسين علي لوباني..
    التعديل الأخير تم بواسطة ياسر ; 2006-04-14 الساعة 20:50

  2. #2

    رد : حزازير ستّي.. والشاطر يحزر!!!!

    ابدا بسم الله
    1- طاسِة ترن طاسِة، بالبحر غطّاسِة، من جوّة لولو، ومن برّة نحاسِة، شو هي؟؟
    هي الرمانة

    3- عشرة وعشرتين، وقدهم ع مرتين، وخمسة وثلاثة وتنين، أدّيش بصيرو؟
    الجواب 100

  3. #3

    رد : حزازير ستّي.. والشاطر يحزر!!!!

    تفاحة شافوها تْنين، وقطفوها خمسة، وأكلوها 32. كيف
    الي شافوها عني الثنتين
    والي قطفها ال خمس اصابع الي في ادي
    والي اكلوها 32 سن
    التعديل الأخير تم بواسطة أبو عبيدة (القدس) ; 2006-04-14 الساعة 21:07

  4. #4

    رد : حزازير ستّي.. والشاطر يحزر!!!!

    قده قد الكف، بيقتل مية وألف.. شو هو؟؟
    المشط أو المقص
    الي بعدوا اخي ياسر
    احنا جاهزين
    التعديل الأخير تم بواسطة أبو عبيدة (القدس) ; 2006-04-14 الساعة 21:11

  5. #5
    شاعرة
    تاريخ التسجيل
    01 2002
    الدولة
    USA
    المشاركات
    937

    رد : حزازير ستّي.. والشاطر يحزر!!!!

    اقتباس المشاركة الأصلية كتبت بواسطة ياسر عزام
    حزازير ستّي.. والشاطر يحزر



    نبدأ بالحزازير

    1- طاسِة ترن طاسِة، بالبحر غطّاسِة، من جوّة لولو، ومن برّة نحاسِة، شو هي؟؟

    2- قده قد الكف، بيقتل مية وألف.. شو هو؟؟

    3- عشرة وعشرتين، وقدهم ع مرتين، وخمسة وثلاثة وتنين، أدّيش بصيرو؟

    4- تفاحة شافوها تْنين، وقطفوها خمسة، وأكلوها 32. كيف ؟؟


    صعبين والله أخي ياسر
    بدهم تفكير وحساب..
    السؤال الثالث رياضي سهل..
    عشرة وعشرتين=30
    وقدهم ع مرتين= 60
    وخمسه وتلاتة وتنتين= 10
    الجواب=مجموعهم=100
    صح؟

  6. #6
    شاعرة
    تاريخ التسجيل
    01 2002
    الدولة
    USA
    المشاركات
    937

    رد : حزازير ستّي.. والشاطر يحزر!!!!

    ما شاء الله أخي ابن رام الله..
    أشهد أنك شعلة ذكاء
    جاوبت عليهم كلهم وأنا لسة بحسب في الثالث

  7. #7

    رد : حزازير ستّي.. والشاطر يحزر!!!!

    ما شاء الله أخي ابن رام الله..
    أشهد أنك شعلة ذكاء
    جاوبت عليهم كلهم وأنا لسة بحسب في الثالث
    لا شعلة ذكاء ولا اشي اختي بس الحزازير مارة علي

  8. #8
    عضو نشيط الصورة الرمزية ياسر
    تاريخ التسجيل
    06 2003
    المشاركات
    9,279

    رد : حزازير ستّي.. والشاطر يحزر!!!!

    ما شاء الله
    بسرعة هكذا
    ظننت اني سأفتح على الموضوع غداً، وأجيب بنفسي على الحزازير
    يا هلا بالأخ ابن رام الله وبالأخت مريم
    طيب
    ما دام في تجاوب رح أكمل الحزازير:

    5- أسود مثل الليل ومنّو ليل، بيوكل شعير ومنّو حمار، بيحفر مغارة ومنّو فارة، شو هو؟

    6- مدينة نحاس، سكانها رصاص، فيها ألوف، وشكلها رصاص) شو هو؟

    7- بالليل اشتريتو، والصبح ما لقيتو؟

    تصبحوا على خير

    أراكم صباحاً

  9. #9

    رد : حزازير ستّي.. والشاطر يحزر!!!!

    5- أسود مثل الليل ومنّو ليل، بيوكل شعير ومنّو حمار، بيحفر مغارة ومنّو فارة، شو هو؟
    الحزازير المرة صعبة
    بس ممكن يكون الجواب هو القنفذ والله اعلم

  10. #10
    عضو نشيط الصورة الرمزية ياسر
    تاريخ التسجيل
    06 2003
    المشاركات
    9,279

    رد : حزازير ستّي.. والشاطر يحزر!!!!

    وينك يا أبو عاطف؟؟


    كفيت ووفيت أخي ابن رام الله

  11. #11
    عضو نشيط الصورة الرمزية ابن القدس الشريف
    تاريخ التسجيل
    12 2003
    الدولة
    القدس الشريف
    المشاركات
    3,173

    رد : حزازير ستّي.. والشاطر يحزر!!!!

    شو القصة يا حج ياسر حزازير التاتا صعبه هيك !!!!!!!!!!!!!!!!!!!!!!!
    من جهتي ما عرف ولا وحدة
    مودتي

  12. #12

    رد : حزازير ستّي.. والشاطر يحزر!!!!

    اقتباس المشاركة الأصلية كتبت بواسطة ياسر عزام
    ما شاء الله
    بسرعة هكذا
    ظننت اني سأفتح على الموضوع غداً، وأجيب بنفسي على الحزازير
    يا هلا بالأخ ابن رام الله وبالأخت مريم
    طيب
    ما دام في تجاوب رح أكمل الحزازير:

    5- أسود مثل الليل ومنّو ليل، بيوكل شعير ومنّو حمار، بيحفر مغارة ومنّو فارة، شو هو؟

    6- مدينة نحاس، سكانها رصاص، فيها ألوف، وشكلها رصاص) شو هو؟

    7- بالليل اشتريتو، والصبح ما لقيتو؟

    تصبحوا على خير

    أراكم صباحاً
    الحزيرة الاولى جوابها الصحيح هو الخلند
    الحزيرة الثانية الجواب الرصاصة نفسها والله اعلم
    الحزيرة الثالثة ممكن النوم
    تحياتي

  13. #13
    عضو نشيط الصورة الرمزية ياسر
    تاريخ التسجيل
    06 2003
    المشاركات
    9,279

    رد : حزازير ستّي.. والشاطر يحزر!!!!

    الله يعطيك العافية أخي ابن رام الله
    هارد لك
    الأول هو النمل السود
    الثاني، مش معقول نقول رصاص وتطلع الرصاصة، ولكني اعتقد ان المصدر الذي أخذت منه مخطئ في الالرصاص الأخيرة، وأظنه (فيها ألوف وشكلها ملفوف)......... وهو كوز الصنوبر.

    الثالث هو النجوم، فالنوم قد يكون صباحاً أيضاً


    الحزازير التالية سهلة:

    8- إشي حامل ومحمول، وناشف ومبلول؟

    9- مدينة خضرا، سكانها عبيد، ومفاتيحها حديد؟

    10- بقرتنا البيضا فرّقتنا، وبقرتنا السودا جمعتنا؟

    11- فيه زلَمي رأسه أعلى من النجوم؟

  14. #14
    عضو نشيط
    تاريخ التسجيل
    03 2004
    المشاركات
    1,272

    رد : حزازير ستّي.. والشاطر يحزر!!!!

    اقتباس المشاركة الأصلية كتبت بواسطة ياسر عزام
    الله يعطيك العافية

    الحزازير التالية سهلة:

    8- إشي حامل ومحمول، وناشف ومبلول؟

    9- مدينة خضرا، سكانها عبيد، ومفاتيحها حديد؟

    10- بقرتنا البيضا فرّقتنا، وبقرتنا السودا جمعتنا؟

    11- فيه زلَمي رأسه أعلى من النجوم؟
    الله يعطيك العافية
    8- البحر
    9- البطيخة
    10- يمكن الليل و النهار؟
    11- الضابط

  15. #15
    عضو نشيط الصورة الرمزية ياسر
    تاريخ التسجيل
    06 2003
    المشاركات
    9,279

    رد : حزازير ستّي.. والشاطر يحزر!!!!


    8- السفينة
    9-10-11 صح

    12- إشي قدّ الكبّة، لابس 13 جبّة؟
    13- إشي بيحمل قناطير خشب، وما بيحمل مسمار؟
    14- إشي قاعه ميّة، وراسه نار؟
    15- عريانة وبتكسي كل الناس؟
    التعديل الأخير تم بواسطة ياسر ; 2006-04-16 الساعة 22:33

  16. #16
    عضو نشيط
    تاريخ التسجيل
    06 2005
    المشاركات
    855

    رد : حزازير ستّي.. والشاطر يحزر!!!!

    - إشي حامل ومحمول، وناشف ومبلول؟

    السفينة

  17. #17
    عضو نشيط الصورة الرمزية أبومالك النجراني
    تاريخ التسجيل
    03 2005
    الدولة
    أرض الرباط المباركة
    المشاركات
    1,418

    رد : حزازير ستّي.. والشاطر يحزر!!!!

    12- إشي قدّ الكبّة، لابس 13 جبّة؟

    الملفوفة

    13- إشي بيحمل قناطير خشب، وما بيحمل مسمار؟

    البحر

    14- إشي قاعه ميّة، وراسه نار؟

    الأرجيلة

    15- عريانة وبتكسي كل الناس؟

    الإبرة


    صُح الحل يا بوي ؟
    التعديل الأخير تم بواسطة أبومالك النجراني ; 2006-04-16 الساعة 22:53

  18. #18
    عـضـو الصورة الرمزية Qassamy
    تاريخ التسجيل
    03 2006
    الدولة
    Palestinian live in lebanon
    المشاركات
    157

    رد : حزازير ستّي.. والشاطر يحزر!!!!

    ليش الليمون بمصر بعد العصر ما بينباع؟

  19. #19
    عضو نشيط الصورة الرمزية ياسر
    تاريخ التسجيل
    06 2003
    المشاركات
    9,279

    رد : حزازير ستّي.. والشاطر يحزر!!!!

    اعتذر بداية من الأخت هناء، فقد كتبت الجواب (السفينة) في التعديل، قبل ان أقرأ مشاركتها، وواضح -من التوقيت- انها كتبت الجواب الصحيح قبل تعديلي للمشاركة.. فاقتضى التصويب.

    12- إشي قدّ الكبّة، لابس 13 جبّة؟

    الملفوفة
    جانبك الصواب، يا شيخ أي قرص كبّة هذا اللي قدّ الملفوفة؟؟؟؟؟؟؟


    ليش الليمون بمصر بعد العصر ما بينباع؟
    الليمونة لا فائدة لها إذا كانت معصورة..
    جرّبها بلا صورة




  20. #20
    عضو نشيط الصورة الرمزية أبومالك النجراني
    تاريخ التسجيل
    03 2005
    الدولة
    أرض الرباط المباركة
    المشاركات
    1,418

    رد : حزازير ستّي.. والشاطر يحزر!!!!

    اقتباس المشاركة الأصلية كتبت بواسطة ياسر عزام
    اعتذر بداية من الأخت هناء، فقد كتبت الجواب (السفينة) في التعديل، قبل ان أقرأ مشاركتها، وواضح -من التوقيت- انها كتبت الجواب الصحيح قبل تعديلي للمشاركة.. فاقتضى التصويب.



    جانبك الصواب، يا شيخ أي قرص كبّة هذا اللي قدّ الملفوفة؟؟؟؟؟؟؟



    هذه أقراص الكبة عنا . . .

    أكل الرجال على قد أفعالها . . .


    وشو بالنسبة للأجوبة الثانية . . . . صُح ولا مش صُح

  21. #21
    عضو نشيط الصورة الرمزية شروق
    تاريخ التسجيل
    07 2002
    الدولة
    مدريد
    المشاركات
    5,249

    رد : حزازير ستّي.. والشاطر يحزر!!!!

    رائعة أفكارك
    تذكرت أمي لما كانت تحزرنا صدقني مرت كانت أمي خاصة في الشتاء أتذكر ونحن حولها تقعد تمضي الوقت وتحزرنا حزازير مثل هيك

    الله يفتح عليك ويوفقك على أفكارك الجميلة ومواضيعك التراثية الرائعة ::
    لك مني كل التقدير
    إن شاء الله حتابع معكم أكيد

    التعديل الأخير تم بواسطة شروق ; 2006-04-17 الساعة 00:30

  22. #22
    شـاعــر الصورة الرمزية أبو عاطف الشجراوي
    تاريخ التسجيل
    11 2004
    الدولة
    المنفى البعيد جدّاً جدّاً...
    المشاركات
    13,905

    رد : حزازير ستّي.. والشاطر يحزر!!!!

    اقتباس المشاركة الأصلية كتبت بواسطة ياسر عزام


    جانبك الصواب، يا شيخ أي قرص كبّة هذا اللي قدّ الملفوفة؟؟؟؟؟؟؟

    يمكن تكون الملفوفة إذا كان المقصود بالكبّة هنا كبكوبة الصوف أو الخيطان مش قرص الكبّة

    إما إذا كان المقصود هو قرص الكبّة اللي بيِنْلِهِط فالجواب هو البصلة
    التعديل الأخير تم بواسطة أبو عاطف الشجراوي ; 2006-04-17 الساعة 03:06

  23. #23
    شـاعــر الصورة الرمزية أبو عاطف الشجراوي
    تاريخ التسجيل
    11 2004
    الدولة
    المنفى البعيد جدّاً جدّاً...
    المشاركات
    13,905

    رد : حزازير ستّي.. والشاطر يحزر!!!!

    وحْنا عم نوكلْ بَحْتِـة
    طيّب مين يحزر شو هي البحته

  24. #24
    عـضـو الصورة الرمزية mohra
    تاريخ التسجيل
    01 2006
    المشاركات
    301

    رد : حزازير ستّي.. والشاطر يحزر!!!!

    ضحكتونا والله ... طب إشي اشي إذا شفته بالسوق ما بتشترهوش .. وإذا شريتو ما بتلبسوش .. وإذا لبستو ما بتشفوش ...شو هوي
    التعديل الأخير تم بواسطة mohra ; 2006-04-17 الساعة 03:45

  25. #25
    عضو نشيط الصورة الرمزية ياسر
    تاريخ التسجيل
    06 2003
    المشاركات
    9,279

    رد : حزازير ستّي.. والشاطر يحزر!!!!

    وشو بالنسبة للأجوبة الثانية . . . . صُح ولا مش صُح
    صُح
    ذكرتني بـ (قد حنيه حنحنّي، بحلوح النّيح قولي هاع)..

  26. #26
    شـاعــر الصورة الرمزية أبو عاطف الشجراوي
    تاريخ التسجيل
    11 2004
    الدولة
    المنفى البعيد جدّاً جدّاً...
    المشاركات
    13,905

    رد : حزازير ستّي.. والشاطر يحزر!!!!

    اقتباس المشاركة الأصلية كتبت بواسطة mohra
    ضحكتونا والله ... طب إشي اشي إذا شفته بالسوق ما بتشترهوش .. وإذا شريتو ما بتلبسوش .. وإذا لبستو ما بتشفوش ...شو هوي
    الكفن

  27. #27
    عضو نشيط
    تاريخ التسجيل
    04 2005
    الدولة
    حيث التين والزيتون
    المشاركات
    3,627

    رد : حزازير ستّي.. والشاطر يحزر!!!!

    زمان والله

  28. #28
    عضو نشيط الصورة الرمزية المهرة الحرة
    تاريخ التسجيل
    05 2005
    الدولة
    Gaza Heart
    العمر
    28
    المشاركات
    6,342

    رد : حزازير ستّي.. والشاطر يحزر!!!!

    رزق الله
    وينك يا عم ياسر ؟

  29. #29
    عضو نشيط الصورة الرمزية ديما
    تاريخ التسجيل
    08 2007
    الدولة
    إلى الله..لأجل ديني..سأمضي!
    العمر
    26
    المشاركات
    8,488

    رد : حزازير ستّي.. والشاطر يحزر!!!!

    اقتباس المشاركة الأصلية كتبت بواسطة المهرة الحرة
    رزق الله
    وينك يا عم ياسر ؟

    الجواب الصحيح هو : راح يجيب حزازير ..

    ماشاء الله ..حزازير ستي هون !
    أضحك الله سنكم

  30. #30

    رد : حزازير ستّي.. والشاطر يحزر!!!!

    عمالي بدي اقوم أنام
    فقلت في نفسي بدي ادخل شوي ع المحور الثقافي اشوف شو فيه

    شدني الموضوع فطريت أقراو كلو بالردود كمان

    ضحكتوني عنجد..
    لكن في الاخير أثرتم علينا الحنين...وفتحتم علينا مواجع الغربة
    نتابع معكم بصمت

 

 
صفحة 1 من 15 123456789101112131415 الأخيرةالأخيرة

تعليقات الفيسبوك



ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •