من اجمل ما قرات ...رائعة
بعض البشر لا قال كلمه سمعناه
وبعض البشر ما نسمعه لو ينادي
وبعض البشر لو غاب لحضه فقدناه
وبعض البشر لو غابت سنين عادي
وبعض البشر لا راح عنّا لحقناه
لو بينا وبينه ثمانين وادي
وبعض البشر لو ما قعدت انت واياه
ان قلت : وينك ؟ قال : بين الايادي
وبعض البشر في ساعة الفود نلقاه
وبعض البشر لا فادنا ولا استفادي
وبعض البشر مركى هل الطيب مركاه
وبعض البشر مركاه بين النوادي
وبعض البشر لو مات عايش بذكراه
وبعض البشر ذكراه وقت الحدادي
وبعض البشر عقب العزا بيوم ننساه
وبعض البشر نلبس عليه السوادي
وبعض البشر لو ربنا بس خلاه
الا يغدي سيد ع كل السيادي
وبعض البشر مع العمد لو رفعناه
يرجع بعد يومين مع الوتادي
وبعض البشر روس العلالي توطاه
وبعض البشر من قاع وادي لوادي
وبعض البشر ما تنطق العيبه اشفاه
وبعض البشر العيب امر اعتيادي
وبعض البشر نص الدلو صعب يملاه
وبعض البشر محيط هندي و هادي
وبعض البشر ما يغيّر الوقت مبداه
وبعض البشر مـ يعرف معنى المبادي
وبعض البشر بين الحضر والبدو تاه
لا اهل الحضر عرفوه ولا اهل البوادي
وبعض البشر مــ تعرف وجهه من قفاه
ولا يلبس الا ثوب لونه رمادي
مراه في وجهك واذا اقفيت مذراه
يضحكلك وكرهه على الوجه بادي
وبعض البشر في سوق الاجواد تلقاه
ما يسوى قرش ونص حسب اعتقادي
وبعض البشر والله والله والله
لو ينشرى بمليون تشريه عادي
هذي هي افعال الزمان وسواياه
الدوني دوني والريادي ريادية اقرأوها