ماذا كنت تكتب على طاولتك أيام الدراسة ..؟!

[aslam1990]

خلونا نرجع للوراء أيام الدراسة …

أكيد لكل واحد فينا ذكريات حللللوه وهو في المدرسة ...
تعالوا قولو لنا :

ماذا كنت تكتب على طاولتك أيام الدراسة ..؟
أو الكتب والدفاتر ..؟

لا أحد يقول لي طاولتي وكتبي كانت نظيفة ....

نريد من الجميع أن يعترف ويقول الحقيقة فالأعتراف بالحق فضيلة , ماذا كنت تكتب على طاولتك في المدرسة , هل كنت رساما او شاعرا او غشاش براشيم , نرجو من الجميع المشاركة والتفاعل في الموضوع ....

[وسام القوقا]

انا كنت اخزق ي البنك في البكار والبراغى حتى فتحت فيه فتحة يمكن عرضها 20 سم

[ريم الجنان]

اممممم الذكريات تكون بعض الاحيان حلوة
وخاصة في هذا الاتجاه ... من الذكريات

دائماً قلم الرصاص والممحاة مشتغليين على الطوالة ... وعلى رسم
تفوت المس من هون واذا كانت من الحصص المحببة على قلبي خاصة ... يروح القلم في ستين داهية وانا ارسم
لم يبقى لنا سوى الذكريات احن لي ايام الدراسة

[مدفع القسام]

ههههه انا كنت مقضيها رسم خارطةفلسطين واسماء الشباب عالثانوية انحرفت صرت اكتب بحبك ومش عارف شو وكلمات غزل بعدين صحيت على حالي وبطلت ارسم بالمره ‏...الله تاب علي

[الحرة الابية]

شو رايحة تكون ماما طابخة ؟؟؟؟؟؟؟؟؟؟؟؟

[أبُو حسن]

أنا كنت دايماً Abo-Hasan - أبو حسن قلق كنت عامل للولاد رعب

والله بتذكر وانا في ثامن وتاسع كانو الولاد يحكولي عم ابو حسن

بس خلص كبرنا وعقلنا

[لقيا الأحبة]

الله ياخد مس اعتلاء هع

[eng.tamer]

كنت اعد الثواني والدقائق لانتهاء الدوام ..

[ريما 1980]

نادر ما كنت اكتب شي
واذا كتبت كانت عبارة لصديقتي
( كام ضايل للحصة تخلص )


بنت قلقيلية1980

[إسلام كمال]

كنت أكتب اسمي الرباعي وأزخرف فيه وخصوصًا في مواد الحفظ لا أطيق الاستماع اليها .. والحمد لله نَزّلَتْ معدلي في توجيهي لأني لم أدرسها إلا آخر السنة

[سائد ع]

أنا كنت دايماً Abo-Hasan - أبو حسن قلق كنت عامل للولاد رعب

والله بتذكر وانا في ثامن وتاسع كانو الولاد يحكولي عم ابو حسن

بس خلص كبرنا وعقلنا

مثلي تماماً
بس أنا كنت أكتب أبو حمزة

[قسام الرضوان]

أحلى أيـام
إسمي ,مثلا كتائب القسام , حماس , إسم صديقي ...
هذا مكاني ما احد ياخذو بغيابي
وغير الشلل بالصف
زعران كناااا ... هه

[قسام الرضوان]

أنا كنت دايماً Abo-Hasan - أبو حسن قلق كنت عامل للولاد رعب

والله بتذكر وانا في ثامن وتاسع كانو الولاد يحكولي عم ابو حسن

بس خلص كبرنا وعقلنا

هو هيك كبرنا وعقلناااا ..
آخ ع هديك الايام لحد توجيهي واحنا مشاكل مع زعرنه مع خنايق مع مع مع ..
الاساتذه طفشوا
بس الشغلة الوحيدة اللي كانت ماسكه حالنا انو شاطرين بدون تكبر طبعا

[قسام الزيتون]

في فترة الابتدائية والاعداية
كنت اكتب اسمي وحماس وكتائب القسام
اما في الثانوية كانت أنظف طاولة كل يوم شارد !

[قسام الرضوان]

في فترة الابتدائية والاعداية
كنت اكتب اسمي وحماس وكتائب القسام
اما في الثانوية كانت أنظف طاولة كل يوم شارد !

بتزكر لما شردنا أنا وإياك على الجندي

[سجل أنا تركي]

انا كنت اجيب الشفرة اللي بتكون ع البرايه
وانحت ع الدرج عدة جمل
منها الحركة الطلابية الاسلامية
و حماس
و كتائب القسام هههههه

اما كتبي المدرسيه فكلها شعارات لحماس واقوال لقادة حماس

[صمود المقاومة]

انا لهلقيت لسة بكتب مثلا بحصة الإدارة ملل بنكون زهقانين بنقعد انا وزميلتي نحكي طبعا رسائل كتابية على الطاولة
اما الجزء العلوي من الطاولة مخصص لقوانين الفيزياء مشان نحفظهم على طول ( وكاتبين اعلان للفترة الثانية ممنوع اي وحدة تمحي القوانين )
وطبعا ما بدنا نظلم الكيمياء مخصصين الها جزء من الطاولة بجداولها اللي راح تقضي علينا

[قسام الزيتون]

بتزكر لما شردنا أنا وإياك على الجندي

اها لما أكلنا فلافل من عند أبو السعيد ..
وقولنالو بدنا بشيكل بطاطا وسلطات

[احمد/كندا]

انا كنت خطاطا
وكنت اكتب بخط النسخ على رأس الصفحات اسم احد ابطال التاريخ العربي

[MATAB"AL QASSAM"]

مآآ كنت أكتب على الدروج ... لأنها ممتلكات عامة ...

لكن كنت اكتب على كتبي ودفاتري ... بعضا من اشعار نزار قباني .. أو محمود درويش .. أو رسومات هندسية ... أو كلمة " boring " >> وهذا الاغلب ..
حسب المزآج ..

او غشاش براشيم

شو يعني براشيم ؟!

[سجل أنا تركي]

شو يعني براشيم ؟!

يعني اوراق صغيرة بكتب عليها المعلومات المطلوبة في الامتحان
وبخبيها في جيبتو او بالكتاب اللي بخمل عليه .. الخ
وبغش منها ،

[~ زهور الأقصى ~]

كنت بالرصاص أرسم ورود .. وأكتب كثيرا لا حول ولاقوة إلا بالله عندما أكون مقهورة من علامه

وفي آخر سنة " يعني توجيهي " بعد اغتيال الشيخ أحمد ياسين طبعت على وريقة هذه الابيات من شعر العشماوي
" يا فارس الكرسي، وجهك لم يكن. إلا ربيعاً بالهدى مزدانا
ستظل نجماً في سماء جهادنا. يا مُقعداً جعل العدو جبانا"
وألصقتها على الدرج..
فكانت تشد كثير من طالبات صفي في بلد خليجي

وأيضا بالتوجيهي كتب العلامة التي احلم بها 99.9 ولو أنها خيال بعض الشيء
والحمد لله حصلت على علامة قريبة منها

[شُـ ـمُوخْ]

كنت اعد الثواني والدقائق لانتهاء الدوام ..

يخرب مخك حتي هون ابو السعيد مو سالم منك ..
من أنتم ..

[شُـ ـمُوخْ]

الشئ الوحيد يلي بتزكره ايام الاعدادية . ولهلئ . كنت اشرد من الصفوف يلي بدرسوا فيهم خواليَ ..
ع شآن اعرف اشرد وما يوزا لاميَ ..
.....
والمصيبة انهم الاثنين بدرسوا نفس اللغة أنجلشَ ..
أما بالنسبة للطاولة .. كنا نرسم دريس ونلعب عليها.. كانتَ ايام لا تنسيَ ..

[قسام الرضوان]

اها لما أكلنا فلافل من عند أبو السعيد ..
وقولنالو بدنا بشيكل بطاطا وسلطات

يئطع شرك عزوو كثير مواقف حصلت وإحنا بالمدرسة

بتزكر لما كنا نروح من المدرسة يقول إلنا السواق وين طالعين نقلوا على بيتنا
وبكفيك أبو عربية شو كان يعمل مشاكل

[(تراب)]

كانت مجرد خربشات و أشكال عديدة

لا أدري ماذا تعني

ولكني كنت أحب كثيراً خربشتها

[سمية علي]

كنت أخربش خرابيش لا تعد ولا تحصى وكنت موهوبة بالرسم أرسم بنات على الطاولة و أشكال كثيرة لكن هالموهبة عفى عليها الزمن منذ أن فارقت المدرسة
أيام حلوة الله يرحمها

[رجاء حمزة]

يئطع شرك عزوو كثير مواقف حصلت وإحنا بالمدرسة

بتزكر لما كنا نروح من المدرسة يقول إلنا السواق وين طالعين نقلوا على بيتنا
وبكفيك أبو عربية شو كان يعمل مشاكل

غزو لغوي

[رجاء حمزة]

ماكنت أكتب على الطاولة لكن أكتب على الغلاف الذي نضعه فوق الطاولة ( في بداية السنة كل الطاولات تغلف بأوراق الزينة حتى لا تتلف الطاولات بخربشاتنا ) فكنت اكتب اسمي واسم ابي وامي واخوتي ووجه حصان ووردة وبس

[eng.tamer]

يخرب مخك حتي هون ابو السعيد مو سالم منك ..
من أنتم ..

هو انا قربت ناحية ابو السعيييد ...؟ مالك ع ابو السعيد....
نحن من هربت الاسود عند لقائنا .. والباقي عندك ..